 |
|
Útblástur frá vélinni inniheldur brunalofttegundir sem geta verið hættulegar heilsu manna. Ræsið og notið vélina ávallt í vel loftræstu rými og, ef í lokuðu rými, leiðið útblásturinn út. |
Framkvæmið nauðsynlegt daglegt viðhald og annað reglulegt viðhald áður en aflvélin er gangsett. Skoðið vélarrýmið. Slík skoðun getur komið í veg fyrir stórvægilegar viðgerðir síðar meir. Upplýsingar eru í notkunar- og viðhaldshandbók (viðhaldskafli), "Viðhaldsáætlun".
| TILKYNNING |
|---|
|
Hreinsið upp alla vökva sem hafa lekið (kælivökva, olíu eða eldsneyti). Ef leki sést kannið hvar hann er og gerið við. Ef grunur er um leka skal athuga vökvahæð oftar en gert er ráð fyrir þar til lekinn finnst eða gert er við hann, eða þar til grunurinn reynist byggður á röngum forsendum. |
Til að tryggja hámarksendingu aflvélarinnar skal skoða hana vandlega áður en hún er gangsett. Gangið í kringum hana og skoðið. Leitið eftir atriðum á borð við olíu- eða kælivökvaleka, lausa bolta og óhreinindi. Fjarlægið hvers kyns óhreinindi. Látið framkvæma viðgerðir, eftir þörfum.
- Hlífarnar verða að vera á réttum stað. Gerið við skemmdar hlífar eða setjið nýjar hlífar ef þær vantar.
- Tryggið að öll svæði í kringum hluta sem snúast séu auð.
- Tryggið að loftinntaksleiðslur og loftsíur séu uppsettar.
- Gangið úr skugga um að allar klemmur og tengingar séu tryggar.
- Fylgist með loftsíumælinum. Framkvæmið viðhald á loftsíunni þegar guli vísirinn fer inn á rauða svæðið eða þegar rauða bullan læsist þar sem hún sést.
- Leitið eftir leka og lausum tengingum í kælikerfinu.
- Leitið eftir sprungum og lausum klemmum á slöngum kælikerfisins.
- Leitið eftir leka á vatnsdælum.
- Leitið eftir sprungum og sliti á viftudrifreimum.
- Athugið hæð kælivökva. Bætið á kælivökva ef með þarf. Upplýsingar um hvaða kælivökva á að nota eru í þessari notkunar- og viðhaldshandbók, "Rúmtak áfyllingar og tilmæli".
- Sinnið nauðsynlegu viðhaldi á búnaðinum sem á að keyra. Upplýsingar um rafalinn er að finna í notkunar- og viðhaldshandbókinni.
- Tryggið að aðalútsláttarrofinn sé opinn.
Leitið eftir eftirfarandi í rafleiðslunum:
- Lausum tengingum
- Slitnum eða trosnuðum leiðslum
Leitið eftir sprungum eða sliti í riðstraumsrafalnum.
Gangið úr skugga um að jarðtengingar séu öruggar.
| TILKYNNING |
|---|
|
Allir ventlar í bakrás eldsneytiskerfisins verða að vera opnir áður en vélin er gangsett og meðan hún er í gangi til að koma í veg fyrir háan eldsneytisþrýsting. Hár eldsneytisþrýstingur getur sprengt síuhús eða valdið öðrum skemmdum. |
- Leitið eftir lausum tengingum og leka í eldsneytisleiðslum. Tryggið að eldsneytisleiðslurnar séu tryggilega festar.
- Tryggið að eldsneyti berist til aflvélarinnar.
Ef aflvélin hefur ekki verið gangsett í nokkrar vikur kann eldsneyti að hafa lekið af eldsneytiskerfinu. Loft kann að hafa komist í síuhúsið. Einnig kann loft að sitja eftir í húsinu þegar skipt er um eldsneytissíur. Við slíkar aðstæður skal forgefa í eldsneytiskerfið. Upplýsingar um forgjöf inn á eldsneytiskerfið eru í þessari notkunar- og viðhaldshandbók (viðhaldskafla), "Eldsneytiskerfi – forgjöf".
| |
| Skýringarmynd 1 | g00736087 |
|
Olíuhæðarmælir (1) Kvarðinn "ADD" (bæta við) (2) Kvarðinn "FULL" (fullt) | |
- Athugið olíuhæð í sveifarhúsi aflvélarinnar. Haldið olíunni á milli kvarðanna "ADD" og "FULL" á þeirri hlið olíumælisins sem segir "ENGINE STOPPED" (aflvél stöðvaðist). Upplýsingar um hvaða olíu á að nota eru í þessari notkunar- og viðhaldshandbók, "Rúmtak áfyllingar og tilmæli".
- Leitið eftir leka í eftirfarandi íhlutum: þéttum sveifaráss, sveifarhúsi, olíusíum, olíugangatöppum, skynjurum og ventlahlífum.
- Skoðið slöngur, T-tengi og klemmur á öndun sveifarhússins.
- Skoðið síuna fyrir lokað öndunarkerfi sveifarhúss, ef hún er til staðar. Ef gaumljósið sem sýnir að sían sé stífluð logar skal sinna viðhaldi á síunni.
- Aftengið þau hleðslutæki rafgeyma sem ekki eru varin gegn mikilli straumnotkun sem myndast þegar rafstartari er tengdur.
- Athugið ástand rafgeymiskapla og leitið eftir tæringu.
- Athugið ástand mæla og stjórnborðs.
- Endurstillið stöðvunar- og viðvörunaríhluti.