3208 Marine Engine Caterpillar

Athugið Við hita frá 0 to 60 °C (32 to 140 °F) er upphitunartíminn um það bil fimm mínútur. Ef hitinn er lægri en 0 °C (32 °F) tekur upphitunin hugsanlega lengri tíma.

Athugið Tryggið að sjálfsprófun eftirlitskerfisins hafi farið fram áður en aflvélin er látin ganga með álagi.

1. Látið aflvélina ganga í hægum lausagangi í fimm mínútur. Framkvæmið þessa skoðun meðan á upphitun stendur:

   • Leitið eftir vökvaleka og loftleka.

   • Fylgist með öllum mælum.

   Kannið mælana og skráið gögnin með reglulegu millibili þegar aflvélin er í notkun. Samanburður gagna til lengri tíma mun einfalda ákvörðun um hvað telst eðlilegur aflestur á hverjum mæli. Þetta einfaldar einnig greiningu á óeðlilegum breytingum í vinnslu. Rannsakið allar verulegar breytingar á aflestri.

2. Eftir að aflvélin hefur verið í lausagangi í fimm mínútur og skoðanirnar hafa farið fram skal auka vélarhraðann í 1/2 uppgefinn snúningshraða.
   Show/hide table

   TILKYNNING
   Til að koma í veg fyrir að aflvélin ofhitni og meðfylgjandi skemmdir skal tryggja að vatn komi út við sjóúttakið og/eða að vatnsstreymi sé ekki heft. Ef vatnsstreymi er heft g/eða vatn kemur ekki út úr sjóúttakinu skal fylgja ráðlögðu verkferli.

3. Fylgist með að vatn komi út um sjóúttakið. Ef vatn sést ekki koma út eða vatnsstreymið er heft skal nota eftirfarandi aðferð:

   1. Drepið samstundis á aflvélinni.

   2. Leitið eftir óhreinindum á inntakssíunni og sjósigtinu. Fjarlægið óhreinindi sem finnast.

   3. Leitið eftir leka í kælikerfinu og vatnsdælum tengitækja.

4. Leitið eftir vökvaleka og loftleka.

5. Framkvæmið nauðsynlegar viðgerðir áður en aflvélin er látin ganga.

6. Þegar skoðunum er lokið skal færa stjórntæki eldsneytisgjafarinnar í lausagangsstöðu og halda aðgerðinni áfram.