C32 Auxiliary Engine Caterpillar

Skýringarmynd 1	g03338555
(1) Reimastrekkjari (2) Ferkantaður lykill sem notað er til að skipa um reim

Skoðið

Ganga skal úr skugga um að ekkert slit né sprungur séu á reimunum til að hámarka afköst aflvélar. Skiptið um slitnar eða skemmdar reimar.

Við aðstæður þar sem notaðar eru margar reimar skal skipta um reimar í settum. Ef skipt er um eina reim af mörgum lendir meira átak á nýju reiminni, þar sem eldri reimin eru teygð. Aukið álag á nýju reiminni gæti valdið því að hún slitni.

Ef reimarnar eru of slakar veldur titringur óþarfa sliti á reimum og trissum. Slakar reimar kunna að snuða þannig að þær valdi ofhitnun.

Of strekktar reimar mynda óþarfa álag á trissulegur og reimarnar sjálfar. Þetta álag kann að stytta endingartíma íhlutanna.

Fjarlægið reimarhlífina, ef hún er til staðar. Athugið ástand og stillingu reima á riðstraumsrafal og drifreima fyrir aukabúnað (ef þær eru til staðar).

Setjið reimahlífina á ef ekki þarf að skipta um reimina. Fylgið aðferð hér að neðan ef skipta þarf um reim eða stilla.

Stilla

Strekking reimar þarfnast ekki stillingar.

Skipt um

1. Fjarlægið hlífina að framan.

2. Setjið skrall með ferhyrndum enda í ferhyrnda gatið sem er á strekkjaranum fyrir viftureimina. Snúið strekkjaranum réttsælis til að losa um spennu á viftureiminni. Fjarlægið viftureimina.

3. Setjið skrall með ferhyrndum enda í ferhyrnda gatið sem er á strekkjaranum fyrir reimina fyrir rafalinn.

4. Snúið strekkjaranum rangsælis til að losa um spennu á reiminni fyrir rafalinn. Fjarlægið reimina fyrir rafalinn.

5. Setjið nýju reimina á sinn stað á réttan hátt eins og sýnt er. Gangið úr skugga um að reimin sitji að fullu á trissunum. Réttri strekkingu verður sjálfkrafa beitt þegar skrallið er fjarlægt.

6. Setjið hlífina að framan aftur á sinn stað.